A Cooperativa de Armadores de Pesca do Porto de Vigo (ARVI) acollerá a partir do próximo luns, día 26 de xuño, a X Conferencia Internacional ARVI sobre o Futuro da Pesca: A Estratexia de Biodiversidade e a Descarbonización da frota pesqueira da UE.

Tal como informou a asociación, o evento celebrarase a partir da tarde do luns e durante a mañá do martes e nel expertos analizarán e achegarán os seus puntos de vista a este respecto. O acto de inauguración levarase a cabo ás 16:00 horas na sede de ARVI e nel intervirá, entre outros, o presidente da Cooperativa, Javier Touza, e o alcalde de Vigo, Abel Caballero.

A Conferencia contará con varias mesas redondas para tratar o presente e o futuro do sector e está previsto que ao acto de clausura, o martes ás 13:00 horas, acuda o conselleiro do Mar, Alfonso Villares.