Os servizos de emerxencia extinguiron na madrugada deste luns un incendio nunha empresa de pinturas e vernices sen actividade situada na cidade de Vigo. Tal como informou o 112 Galicia, os feitos ocorreron na Avenida de Ricardo Mella, en Coruxo, onde ardeu unha especie de oficina, madeira e mobles dunha compañía dedicada ás pinturas.

Foron varios particulares os que alertaron do suceso sobre as 04,00 horas, asegurando que saía fume dun edificio e mesmo que se escoitaban algunhas explosións. Por iso, informouse os Bombeiros de Vigo, á Policía Nacional e á Local. Ademais, tamén se avisou aos servizos de urxencias sanitarias, por se fose necesaria a súa intervención.

Con todo, ao tratarse dunha empresa sen actividade, non houbo que lamentar feridos. Sobre as 05,00 horas, os bombeiros comunicaron que o lume estaba xa extinguido e que se iniciou na área de mestura, onde había restos de pintura.