A Policía investiga se o incendio dun autobús en Vigo foi provocado, segundo informaron fontes próximas ao caso consultadas por Europa Press.

As mesmas explicaron que, de acordo cos primeiros indicios, puido ser provocado por unha persoa que non se puido identificar. Tamén dixeron que no momento en que se tivo constancia do lume na parte traseira do vehículo procedeuse á evacuación das persoas.

Sobre o suceso, o 112 informou que autobús ardeu na súa totalidade a última hora do domingo sen causar feridos. Os feitos producíronse ao redor das 22,45 horas e do suceso alertou un particular, que explicou que ardía un bus urbano na rúa Urzaiz, en Vigo.

Ao mesmo tempo, aseguraba que non había xente no seu interior, polo que non había persoas afectadas. Aínda así, o Servizo de Urxencias Sanitarias de Galicia-061 enviou unha ambulancia ao momento.

Ata o lugar, tamén se achegaron, tras ser informados polo 112 Galicia, os Bombeiros da cidade, que procederon á extinción do lume, e os axentes da Policía Nacional e Local.