A familia de Déborah Fernández-Cervera, a moza viguesa que apareceu morta nunha cuneta do Rosal en maio de 2002, presentou, por medio do seu equipo legal, unha serie de alegacións por determinadas actuacións levadas a cabo na instrución da causa, coas que trasladaron o seu “malestar e incredulidade“.

Así, con respecto aos oficios policiais nos que o Grupo de Homicidios responde o xulgado que non pode achegar nova información sobre a acta de recollida do disco duro da moza ou sobre a análise do seu correo electrónico, a familia conclúe que só se pode facer dúas lecturas: ou ben a Policía está “a tomar o pelo a todos os actuantes”, ou ben “faltou á verdade” cando dixo que analizara o mail desde o teléfono móbil (algo difícil tendo en conta as características os terminais en 2002).

Por outra banda, solicitaron que se unan como peza de convicción os vestixios enviados pola Policía tras o achado dun cartapacio sobre a causa o pasado mes de setembro, onde se atoparon cintas de vídeo.

“INADMISIBLE”

A familia tamén tachou de “inadmisible” por parte da Policía que non se permita estar presentes aos peritos das partes na dilixencia de análise do móbil para tentar acceder ao seu contido, polo que reclamaron ao xulgado que requira a este Corpo para permitir esa presenza de peritos.

Finalmente, mostraron o seu malestar polo escrito presentado pola defensa do único investigado nesta causa, Pablo P.S.L., exmozo de Déborah (que declarou por primeira vez como imputado case 20 anos despois da aparición do cádaver da moza), no que se opón á declaración do doutor Aitor Curiel.

Este experto elaborou un informe no que determinou que a causa da morte de Déborah Fernández é “homicida” e a súa familia apuntou que, se o investigado nada ten que ver cos feitos, como así proclama, “que interese ten en que non se es