O alcalde de Vigo, Abel Caballero, celebrou este luns o nivel de ocupación turística na cidade durante Semana Santa, e asegurou que, en xeral, o ese nivel de ocupación “aproximouse” ao 90 % nos establecementos hoteleiros.

Nunhas declaracións remitidas aos medios de comunicación, o rexedor olívico constatou que a afluencia foi “moi importante” e que as rúas de Vigo reflectiron unha gran “animación” por “tantos visitantes”.

Segundo afirmou, “houbo moitos hoteis con máis do 90 % de ocupación” na segunda metade da semana pasada, de xoves a domingo e, en xeral, esa ocupación aproximouse ao 90 %. “Moi por encima das previsións”, apostilou.

Abel Caballero reiterou que a cidade “xa está a competir” en materia de turismo “en todos os espazos e momentos do ano” con outros destinos importantes, e que iso se está traducindo nun “nivel de ingresos moi significativo”.