InicioPolíticaO BNG pedirá explicacións á Xunta e ao Concello tras a morte...

O BNG pedirá explicacións á Xunta e ao Concello tras a morte de varios animais en VigoZoo

Denuncia o "silencio tan atronador como intolerable" do goberno municipal, tras máis de 10 días desde que se solicitase a documentación do tema e as explicacións

PUBLICADO O

- Advertisement -

O Bloque Nacionalista Galego (BNG) levará ao Parlamento de Galicia a morte de varios animais en VigoZoo, ante os novos indicios que apuntan ao envelenamento como causa do falecemento.

Así, a organización política anunciou unha batería de iniciativas para esixir á Xunta e ao Concello olívico que aclaren as actuacións realizadas tras facerse públicas as novas sospeitas sobre incumprimentos na conservación da fauna.

O Bloque pretende que o Executivo autonómico dea conta das xestións da Consellería de Medio Ambiente tras coñece que os servizos de Patrimonio Natural da Xunta contan con evidencias que sinalan o “envelenamento por matarratóns” como motivo das mortes.

“Se a Xunta ten indicios de que as condicións da fauna non están a ser as adecuadas, non os pode deixar correr e ten que actuar”, reivindicou a deputada Carmela González, que pediu tamén a implicación do Goberno galego para iniciar un proceso de transformación de VigoZoo “deixando atrás o actual sistema exhibicionista e avanzalo cara un espazo de conservación de fauna e sensibilización ambiental”.

Na mesma liña falou o portavoz do BNG en Vigo, Xabier Pérez Igrexas, que denunciou o “silencio tan atronador como intolerable” do goberno municipal, tras máis de 10 días desde que se solicitase a documentación do tema e as explicacións sobre a “grave” situación dos animais baixo custodia do Concello.

ÚLTIMAS

O acusado de agredir sexualmente a unha familiar menor en Vigo enfróntase a 14 anos de cárcere

A Fiscalía de Vigo solicita 14 anos de prisión para un home acusado dun...

Inspección de Traballo investiga un accidente laboral en Stellantis Vigo no que unha operaria perdeu un pé

A Inspección de Traballo abriu unha investigación para coñecer as circunstancias dun accidente laboral ocorrido...

O adestrador acusado de abusar dunha menor en Vigo alega que as relacións foron consentidas e ela tiña xa 16 anos

O adestrador de fútbol acusado de abusar sexualmente dunha xogadora menor de idade en...

A Xunta di que investiu 375 millóns en Vigo e hai outros 70 “bloqueados” polo goberno local

A delegada da Xunta en Vigo, Ana Ortiz, defendeu este venres que o goberno...