O Museo Marco de Vigo inaugurou este xoves a exposición ‘Laxeiro e a arte dá súa época’, que recolle unha selección das obras máis destacadas do pintor “máis importante que houbo nunca en Galicia”, xunto con pezas doutros artistas que el miraba con atención.

O acto inaugural contou coa presenza do alcalde, Abel Caballero, e da presidenta da Deputación de Pontevedra, Carmela Silva. Precisamente o rexedor puxo en valor a “grandiosa” exposición e recoñeceu ao artista como “un dos máis importantes pintores do mundo”.

Zuloaga, Corredoyra, Souto, Colmeiro, Maside ou Asorey son outros dos pintores que comparten mostra con Laxeiro. A exposición ten un sentido cronolóxico non estrito, buscando conexións visuais rápidas.

Está comisariada polo director do Museo, Miguel Fernández-Cid, e como un xesto á traxectoria vital do artista, as datas de inauguración (23 de febreiro) e de clausura (21 de xullo) fixéronse coincidir co día de nacemento e morte do pintor.