- Advertisement -
Anda o tempo revolto en Galicia, nun verán atípico, máis fresco do normal e con importantes choivas que están impedindo gozar da estación estival.
Aínda que Vigo é unha das zonas menos afectadas polo temporal que golpeu Galicia onte e nas primeiras horas de hoxe, a cidade non escapou das inclemencias meteorolóxicas, cunhas xornadas que semellan máis típicas da primavera ou do outono que do mes de agosto no que nos atopamos.
Paraugas e chuvasqueiros, no canto de bañadores e toallas, predominaron nas zonas de praias da cidade, mentres algúns surfistas aproveitaban a forte ondada para practicar este deporte. O temporal mesmo impediu aos turistas atravesar o dique das Cíes.
