As residencias de maiores de Galicia rexistran 21 casos de Covid-19, un menos ao saír da lista un usuario; mentres que aumentan a 24 os contaxiados en centros de atención á discapacidade tras 17 positivos nun de Vigo.

Segundo informaron este venres as consellerías de Política Social e Sanidade, detectáronse 17 positivos no Fogar e Clínica de San Rafael de Vigo, que elevan a 21 os usuarios contaxiados neste centro.

Pola súa banda, sae da lista o caso dun usuario da residencia de maiores Santo Estebo de Perlío de Fene (A Coruña), que reduce a 18 os residentes contaxiados. En canto ao resto de centros de maiores en Galicia, hai dous casos de Covid-19 na Residencia Bo Día Magnolio de Vigo e un na Residencia de Val do Dubra (A Coruña).

CENTROS DE DISCAPACIDADE

En canto aos centros de atención á discapacidade suman os 17 casos de usuarios no citado centro de Vigo, o que eleva de sete a 24 os contagios de Covid-19 distribuídos en tres residencias.

Deste xeito, sobe de catro a 21 os usuarios contaxiados no Fogar e Clínica San Rafael de Vigo; seguen dous na RGA Valverde de Allariz (Ourense) e un no CAPD de Sarria (Lugo).