InicioSociedadePiden ao SERGAS non caer na "chantaxe" de Povisa, que tivo en...

Piden ao SERGAS non caer na “chantaxe” de Povisa, que tivo en 2016 uns beneficios de 16 millóns

PUBLICADO O

- Advertisement -

Tras coñecerse a nova de preacredores anunciada por Povisa, a vicepresidenta do Parlamento e deputada de En Marea, Eva Solla, trasladou a súa preocupación polos empregos e tamén pola atención sanitaria.

“Trátase dunha nova sorprendente, tendo en conta que esta empresa se ten lucrado nas últimas décadas de numerosos concertos singulares coa sanidade pública como o do no ano 2014, cando pese a presentar beneficios os traballadores e traballadoras se enfrontaron a despedimentos o que levou a protestas e folgas” lembrou a deputada de En Marea.

En 2015 a empresa volveu presentar 7,6 millóns de euros de beneficios e o ano seguinte máis de 16 millóns de beneficios. E a nivel global o holding empresarial A Nosa Terra ten uns beneficios moi importantes cun 63 por cento de beneficio no último ano.

Ante esta situación, Eva Solla denunciou que “despois de se beneficiar durante anos de recursos públicos e detraendo en moitas ocasións partidas que terían que ser investidas na sanidade pública, agora se emprega aos traballadores e traballadoras como moeda de cambio para obter mellores condicións”.

Povisa/ Miguel Núñez

Desde En Marea aseguran non van a aceptar que se empregue aos traballadores e traballadoras como moeda de cambio e tampouco que se teñan que destinar máis cartos públicos a sufragar os beneficios desta empresa. “Se entra en concurso de preacredores é porque a xestión feita desde a propia empresa foi negativa” asegurou Solla.

En Marea ten denunciado tamén que no caso do hospital Álvaro Cunqueiro tiña que terse feito con maior superficie, mellores servizos e máis camas pero “a Xunta de Galicia é cómplice de que este hospital sexa máis pequeno para permitir que continuase o negocio do dono deste holding empresarial” afirmou a deputada de En Marea. “Agora nos atopamos ante unha nova chantaxe coa equipa de persoal polo medio cando non teñen responsabilidade algunha da xestión” incidiu.

Desde En Marea esíxese á Xunta de Galicia que aínda que non negocie xa que este holding ten beneficios polo que ten marxe para manter os salarios mentres se manteña o concerto asinado.

“Ese concerto non tiña que ter sido renovado polos oito anos que foi asinado, e que a atención sanitaria ten que darse dentro da sanidade pública, e denunciamos que os empresarios vivan a costa das arcas públicas que mentres dan beneficios non hai ningún tipo de problema e agora veñen denunciando que necesitan máis cartos porque non lles é suficiente” declarou Eva Solla.

Sinalou ademais que o responsable deste holding é unha das 160 persoas máis ricas de todo o Estado español polo que “non é de recibo que se continúen a desviar fondos da sanidade pública para a privada”.

ÚLTIMAS

Casco Vello de Vigo aproba o seu plan ata 2030, con 25 inmobles de actuación prioritaria e un investimento de 15 millóns

O Consorcio Casco Vello de Vigo aprobou este xoves o seu plan de actuación 2026-2030,...

Comeza en Vigo a montaxe da árbore de Nadal “máis importante do planeta”

O alcalde de Vigo, Abel Caballero, visitou este xoves o inicio da montaxe do que...

Sanidade contrario a un radiólogo de garda en Vigo: “Imposibilitaría o desenvolvemento normal do servizo”

A Xerencia da área Sanitaria de Vigo asegurou que establecer un terceiro radiólogo de...

Choque entre Caballero e a Xunta pola auga de Vigo: “Só temos para 100 días”

O alcalde de Vigo, Abel Caballero, acusou á Xunta de Galicia de restar importancia á...