A Mesa pola Normalización Lingüística anunciou este xoves 4 de marzo na súa conta de Twitter que viña de denunciar ante a Xustiza un panel coa lenda “Bienvenido a Vigo” disposto no futuro centro comercial que Vialia está a construír na cidade olívica.

Segundo destacaron dende a plataforma, a denuncia foi tramitada logo de chegar a información do cartaz a través da plataorma A Liña do Galego.

O cartel en cuestión é unha das primeiras estruturas xa en pé do que será o novo centro comercial Vialia de Vigo; un complexo que, segundo está previsto, acolla esa zona comercial pero tamén a nova estación intermodal olívica; proxecto dependente da Xunta de Galicia.

No letreiro da fachada aparece nunha soa liña os textos “Bienvenido a Vigo” repetido tres veces por cada cara.
En nunha segunda liña aparece a frase “Descubre la ría de Vigo” repetida tamén unicamente en castelán.