A sede viguesa da Deputación de Pontevedra acolleu este mércores a cerimonia, esta vez axustada ás medidas anticovid, na que se distinguiron os traballos fin de grao (TFG) e fin de máster (TFM) galardoados por contribuír a difundir a igualdade real e efectiva entre mulleres e homes.
O catro gañadoras, Judit Cerviño, María Tenorio e Patricia Torres, na modalidade de TFG; e Andrea López, na de TFM, interviñeron desde os seus domicilios no evento presidido pola máxima responsable da Deputación, Carmela Silva, que presentou a profesora universitaria e membro do xurado Silvia Pérez Freire e estivo amenizado en directo pola pianista Estefanía Cereijo.
Na entrega de premios participaron tamén as titoras das premiadas, as súas familias e Fernando Novoa, sobriño da musicóloga e pedagoga que dá nome aos premios.
Silva destacou que é “unha alegría” ver que as mulleres novas “recollen a bandeira do feminismo con grandes traballos de análises e investigación que axudan a camiñar cara a unha sociedade plena”.
