InicioSociedadeComeza en Oia a tempada de curros

Comeza en Oia a tempada de curros

Este domingo celebrarase en Valga, onde a actividade comezará desde primeira hora da mañá e se prolongará ao longo da xornada.

PUBLICADO O

- Advertisement -

A tempada de rapas das bestas comeza esta fin de semana en Oia co tradicional curro da Valga, que se celebra este domingo 8 de maio. A actividade comezará desde primeira hora da mañá e prolongarase ao longo da xornada. O momento central da celebración -tarefas de rapa e marcado- terá lugar en torno ás 17.00 horas, segundo indica o Concello de Oia.

Será a partir das 9.00 horas cando gandeiros e gandeiras comezarán a xuntar as bestas, e o Concello estima que a chegada dos cabalos ao recinto da Valga se producirá arredor as 13.00 horas. Xa pola tarde, sobre as 17.00 horas, terán lugar as actividades de rapa, desparasitado e marcaxe dos animais, que posteriormente volverán quedar libres no
monte.

En total, o Concello de Oia calcula que arredor duns 300 cabalos participarán este ano.
“O curro da Valga transcorrerá no seu habitual ambiente festivo, de forma que as persoas que se acheguen ata o lugar poderán gozar dunha xornada que combina actividade, celebración e tradición popular arredor do cabalo da Groba”, explica nunha nota remitida aos medios. Tralo de Valga, virán os curros de Torroña (5 de xuño) e Mougás (12 de xuño).

O Concello de Oia lembra a prohibición de realizar acampadas e solicita a colaboración das persoas asistentes á hora de respectar o medio ambiente, evitar danar o arborado e zonas especialmente sensibles, así como de manter a contorna libre de lixo.

ÚLTIMAS

Casco Vello de Vigo aproba o seu plan ata 2030, con 25 inmobles de actuación prioritaria e un investimento de 15 millóns

O Consorcio Casco Vello de Vigo aprobou este xoves o seu plan de actuación 2026-2030,...

Comeza en Vigo a montaxe da árbore de Nadal “máis importante do planeta”

O alcalde de Vigo, Abel Caballero, visitou este xoves o inicio da montaxe do que...

Sanidade contrario a un radiólogo de garda en Vigo: “Imposibilitaría o desenvolvemento normal do servizo”

A Xerencia da área Sanitaria de Vigo asegurou que establecer un terceiro radiólogo de...

Choque entre Caballero e a Xunta pola auga de Vigo: “Só temos para 100 días”

O alcalde de Vigo, Abel Caballero, acusou á Xunta de Galicia de restar importancia á...