InicioMedio Ambiente e PatrimonioA "granxa da vergoña" de Baiona: Un tenreiro con feridas graves, un...

A “granxa da vergoña” de Baiona: Un tenreiro con feridas graves, un cabalo famélico, cans abandonados…

PUBLICADO O

- Advertisement -

A Garda Civil acaba de deter ao propietario dunha pequena explotación gandeira de Baiona acusado dun delito contra a flora, fauna e animais domésticos, por maltrato e abandono de animais.

No marco das distintas actuacións que están a desenvolverse para a detección e control de actividades e condutas ilícitas relacionadas co benestar animal, os efectivos do Posto Principal da Garda Civil de Baiona-Nigrán, en colaboración coa patrulla do Seprona de Vigo, localizaron unha pequena explotación gandeira na parroquia de Belesar, nunhas condicións hixiénico-sanitarias “bastante deplorables”, aseguran.

Auxiliados tecnicamente polos facultativos dos Servizos Veterinarios de Sanidade Animal da Xunta de Galicia, a Garda Civil levou a cabo unha inspección desta pequena explotación gandeira e no seu interior localizaron un cachorro de can con varias feridas graves que lle causarían a morte, un tenreiro con lesións cutáneas en todo o corpo e unha ferida na base dun dos cornos, ademais dun cabalo que presentaba unha extrema delgadeza por evidente falta de atención e coidados.

Restos animais na explotación gandeira/ Garda Civil

En todos estes casos, o propietario non puido acreditar que os animais recibisen a adecuada atención veterinaria. Dentro do mesma orde de actuacións tamén se determinou que, días antes á inspección, esta mesma persoa abandonara catro cans que tiña nunha edificación da leira en condicións hixiénico- sanitarias non adecuadas.

En consecuencia, onte procedeuse á detención do propietario desta explotación gandeira como presunto autor de delitos de maltrato e abandono de animais. Ao mesmo tempo, formuláronse varias de denuncias por distintas infraccións administrativas á normativa sobre animais domésticos, relacionadas principalmente co benestar animal, a falta de idoneidade dos aloxamentos, falta de alimentación e auga, hixiene animal, falta de asistencia veterinaria e rexistros documentais e sanitarios, entre outros.

ÚLTIMAS

De Baiona a Bruxelas: a iniciativa cidadá que cambiará a seguridade infantil nos coches europeos

Pedro Telmo, veciño de Baiona, impulsou unha campaña en Change.org que superou as 62.500...

O BNG esixe cambiar o plan de tráfico do Nadal de Vigo tras o “caos” do acendido das luces e o desfile de Disney+

O BNG de Vigo urxiu ao Goberno municipal que "rectifique" o plan de tráfico...

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...