Unha embarcación localizou na mañá deste xoves o cadáver dunha persoa flotando no mar no municipio pontevedrés da Guarda.

Segundo a información do CIAE 112-Galicia, foi un particular o que alertou ás 12,00 horas de que se localizou un corpo a milla e media de Portocelo.

Os feitos puxéronse en coñecemento do servizo de Salvamento Marítimo e do servizo de Gardacostas de Galicia. Así mesmo, informaron da situación á Garda Civil e ao GES da Guarda.