InicioSociedadeVigo súmase ás protestas para pedir a fin de experimentos con animais

Vigo súmase ás protestas para pedir a fin de experimentos con animais

Concentracións nunha vintena de cidades en España.

PUBLICADO O

- Advertisement -

Centos de persoas manifestáronse este sábado nunha vintena de cidades de toda España, entre elas Vigo, convocadas por diferentes organizacións defensoras dos dereitos dos animais coincidindo co Día Mundial do Animal de Laboratorio.

Os manifestantes reclamaron a fin da experimentación animal e a liberación dos animais. Segundo denunciaron, cada ano máis de cen millóns de animais son “torturados e asasinados” en todo o mundo para experimentos e outros fins científicos, incluída a docencia. En España estiman que se usan uns 800.000 animais para estes fins.

En Madrid, ao redor de 200 persoas concentráronse na praza de Jacinto Benavente para mostrar como estes animais “sofren diariamente terribles torturas e viven encerrados en gaiolas en frías salas de laboratorio toda a súa vida”.

En Barcelona, unhas 250 persoas concentráronse na praza Sant Jaume para reclamar a liberación dos animais encerrados no laboratorio Vivotecnia de Madrid, que pechou este mes tras difundirse imaxes de malos tratos animais.

En Galicia, Vigo foi a cidade escollida para a protesta deste sábado, despois de que a fin de semana pasada se celebrase unha acción similar na Praza do Obradoiro de Santiago de Compostela. Na cidade olívica, foron varias decenas de persoas as que se congregaron fronte ao Museo MARCO para pedir o fin destas prácticas.

Os animais de laboratorio son utilizados principalmente en estudos médicos e veterinarios, na industria química e cosmética, na investigación militar ou na industria farmacéutica, entre outros fins.

As asociacións animalistas consideran que estes estudos “son totalmente innecesarios” e subliñan que numerosos científicos de todo o mundo se situaron en contra da experimentación animal porque non é realmente efectiva en humanos.

ÚLTIMAS

Casco Vello de Vigo aproba o seu plan ata 2030, con 25 inmobles de actuación prioritaria e un investimento de 15 millóns

O Consorcio Casco Vello de Vigo aprobou este xoves o seu plan de actuación 2026-2030,...

Comeza en Vigo a montaxe da árbore de Nadal “máis importante do planeta”

O alcalde de Vigo, Abel Caballero, visitou este xoves o inicio da montaxe do que...

Sanidade contrario a un radiólogo de garda en Vigo: “Imposibilitaría o desenvolvemento normal do servizo”

A Xerencia da área Sanitaria de Vigo asegurou que establecer un terceiro radiólogo de...

Choque entre Caballero e a Xunta pola auga de Vigo: “Só temos para 100 días”

O alcalde de Vigo, Abel Caballero, acusou á Xunta de Galicia de restar importancia á...