A Consellería de Sanidade informou da morte de sete persoas pola Covid-19 na Residencia Doral de Mos. Unha confirmación que chega semanas despois de producirse os falecementos, que tiveron lugar na segunda quincena de novembro.

A xustificación da Xunta é que se comunican agora “logo de validarse que faleceran por covid-19“. Entre os mortos están tres homes de 92, 98 e 94 anos e catro mulleres de 98, 91, 85 e 93 anos.

A Xunta tamén informou da morte doutra persoa por covid nas últimas horas na Área Hospitalaria de Vigo. Trátase dun homede 86 anos. En total, e sumando os falecidos da Residencia Doral, en total o número de mortos este luns ascendeu a 16 persoas.