InicioSociedadeRepuntan os casos de coronavirus na área sanitaria de Vigo

Repuntan os casos de coronavirus na área sanitaria de Vigo

PUBLICADO O

Os casos activos de COVID-19 en Galicia baixaron a 799, 24 casos menos que os notificados hai un día, con descensos de persoas contaxiadas en todas as áreas sanitarias, excepto en Vigo, onde os casos volveron a repuntar, segundo os datos trasladados pola Consellería de Sanidade.

Así, do total de casos activos, 268 correspóndense coa área sanitaria de Vigo, 14 casos máis que os notificados hai un día. Nesta área, a tendencia descendente de casos activos interrompeuse o mércores, cando houbo un lixeiro repunte (de 250 a 254 casos). Ese xoves informouse de que os casos activos subiron a 268, aínda que ese incremento non se traduciu en ingresos hospitalarios, xa que os novos contagios permanecen en seguimento domiciliario.

Do resto de casos de COVID-19 en Galicia, 187 correspóndense coa área da Coruña (18 menos), 142 coa área de Santiago (un menos), 94 coa área de Ourense (13 menos), 51 son da área de Lugo (3 menos), 36 da área de Pontevedra (dúas menos) e 21 da área de Ferrol (un menos).

Con respecto aos pacientes con COVID hospitalizados, seguen nas Unidades de Coidados Intensivos (UCI) 5 pacientes, os mesmos que hai un día, e baixan de 49 a 37 as persoas en ingresadas en unidades de hospitalización convencional. A elas súmanse outras 757 persoas que se recuperan nas súas casas con seguimento domiciliario (12 menos que as notificadas o mércores).

Segundo trasladou Sanidade, ata o momento rexistráronse 9.849 altas epidemiolóxicas, despois de que se recuperaron do COVID outras 51 persoas; e o número de PCR ascende a 138.993, tras a realización doutras 1.449 probas nas últimas horas.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...