InicioEconomíaTecnoloxía viguesa para coñecer a previsión da evolución de contaxios

Tecnoloxía viguesa para coñecer a previsión da evolución de contaxios

PUBLICADO O

- Advertisement -

O Grupo de Enxeñaría Física da Universidade de Vigo (UVigo) desenvolveu unha páxina web na que se pode consultar a evolución dos casos de coronavirus a nivel autonómico e nacional e a predición da mesma para os próximos dous días.

Segundo trasladou a universidade nun comunicado, esta información elabórase a partir de datos do Ministerio de Sanidade e a estimación sobre estes que levan a cabo investigadores da Escola de Enxeñaría Aeronáutica e do Espazo do campus de Ourense.

O catedrático da universidade impulsor da iniciativa, Humberto Michinel, detallou que a predición do número de casos para os dous días seguintes realízase a diario e axústase a medida que evoluciona, ademais de asegurar que a fiabilidade destes datos sitúase en torno ao 95 por cento. “Obviamente, unha previsión a un período maior sería menos exacta“, explicou.

Así, ás 21,00 horas, recóllense os datos facilitados polo Goberno e, a partir destes, “realízase un axuste non lineal baseado na curva de Gompertz, usada habitualmente como modelo sinxelo para o estudo da propagación de epidemias”. Este axuste corríxese a diario para elaborar a previsión de acordo coa función de Gompertz.

Ademais, elabóranse dous gráficos de barras para representar estes datos a nivel autonómico e nacional que se publican cada día ás 14,00 horas na páxina web. En concreto, esta plataforma dixital comezouse a desenvolver o pasado 17 de marzo, cando o Goberno “regularizou a publicación de informes e datos”, segundo lembrou o catedrático, quen esperou que esta situación se solucione “pronto”.

ÚLTIMAS

Axentes e funcionarios denuncian as condicións “extremas” de calor na Comisaría de Vigo

Medio centenar de axentes e funcionarios da Comisaría de Vigo-Redondela, convocados polos sindicatos policiais...

Detido en Vigo por unha agresión á súa parella

Axentes da Policía Local de Vigo detiveron a un home de 47 anos de...

Confirmados 4 anos de cárcere para un home que extorsionou a unha muller

O Tribunal Superior de Xustiza de Galicia (TSXG) confirmou a sentenza da sección quinta...

OPINIÓN.- Riscos ambientais e patrimonio local na Barroca de Navia

As ondas de calor soportadas no mes de xuño mostran con claridade a anomalía...