O concerto do grupo Amaral, previsto para o próximo 12 de agosto en Vigo, foi posposto ata setembro, segundo anunciou este xoves o alcalde da cidade, Abel Caballero.

O rexedor explicou que a decisión foi acordada co grupo, que aceptou aprazar a súa actuación ata o 25 de setembro. O concerto aínda non ten lugar definido de celebración.

Caballero agradeceu a disposición de Amaral a modificar a data, xa que, en agosto, “non é aconsellable facelo” dadas as circunstancias sanitarias pola pandemia de Covid.