InicioSucesosRoberto Domínguez, o ex boxeador detido dúas veces en menos dunha semana

Roberto Domínguez, o ex boxeador detido dúas veces en menos dunha semana

Desta volta foi detido por intento de agresión a un axente.

PUBLICADO O

O exboxeador vigués Roberto Domínguez foi detido de novo nas últimas horas (o segundo arresto en catro días) por causar danos no depósito municipal de vehículos e por atentado contra a autoridade, tras tentar atropelar a un axente da Policía Local.

Segundo confirmaron fontes xudiciais, o detido pasou a disposición do xulgado de instrución 6 de Vigo (tras ser sometido a unha avaliación psicolóxica), que decretou a súa posta en liberdade, en calidade de investigado.

A segunda detención en poucos días de Roberto Domínguez produciuse este martes no depósito municipal. O exboxeador acudira ao recinto pola mañá para retirar un coche que pertencera á súa parella, falecida recentemente, pero o empregado das instalacións non accedeu a darllo, xa que non figura como titular do vehículo.

Domínguez regresou pola tarde e, aproveitando un momento no que un guindastre saía do recinto, coouse no seu interior. Así, accedeu ao coche que buscaba, do que tiña chave e arrincouno. Cando foi requirido polo persoal de depósito reaccionou de forma violenta, golpeando o parabrisas do vehículo.

Ademais, chegou a lanzar unha cadeira contra o cristal da oficina do depósito e tentou atropelar a un axente da dotación do 092 que se presentou no lugar, alertada polos traballadores. Finalmente, accedeu a falar cunha médica do 061, que lle administrou un sedante, antes de ser trasladado a un centro hospitalario, xa detido.

Dáse a circunstancia de que este exboxeador vigués, que ten antecedentes, foi detido o pasado venres na praia do Vao, cando tratou de fuxir da Policía meténdose na auga. Nesa ocasión, foi arrestado tras vulnerar unha orde de afastamento da súa exparella.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...