Este sábado 1 de setembro celebrouse nas instalacións do Real Club Náutico de Vigo unha xornada solidaria dedicada aos nosos grandes amigos de catro patas, os cans, que realizaron todo tipo de “Xogos Náuticos” para o seu divertimento e os de seus donos.
Introduciuse a cachorros e adultos na auga por primeira vez. Outros, se cadra máis expertos neste líquido elemento, practicaron a súa propiocepción e completaron circuítos e distintos xogos. Tamén impartiuse unha charla.
A xornada, salientan desde a organización, “transcorreu na máis absoluta harmonía con 30 cans e os seus donos gozando dun día de sol na auga”.
Primeiro traballouse o equilibrio en superficies móbiles, e logo demostraron o aprendido subidos a kayacks, optimist, táboas de paddle e surf, body boards e “a estrela do evento”, unha big sup onde puidemos ver subidos a mais de 5 cans e os seus donos.
Todos se animaron e acabaron facendo travesías coas diferentes embarcacións pola dársena do Náutico, acompañados en todo momento dunha neumática.
As responsables do evento e de dar as pautas foron as técnicos de Yaracan, expertos en terapias asistidas con animais, e Candatí, encargados do adestramento canino.
Os organizadores agradecen ao Real club Náutico de Vigo, polo seu apoio, aos participantes, que o fixeron posible, e ás empresas colaboradoras que aportaron premios e material.
