Un home, D.A.G. de Vigo e 55 anos de idade, foi detido na cidade olívica o pasado sábado mentres consumía sustancias estupefacientes despois de que a Policía Local se decatase de que figuraba sobre el unha orde de procura, detención e personación ditada pola Comisaría Local de Vilagarcía de Arousa.
Segundo fontes policiais, os feitos ocorreron sobre as 21,00 horas, cando unha patrulla que estaba a realizar labores de vixilancia observou a un individuo consumindo drogas na confluencia das rúas Oliveira con Baixada Ríos.
Por iso, ao identificar o individuo decatáronse de que figuraba sobre el unha orde de procura, polo que foi detido en atención ao mandato emitido.
