InicioSociedadeA ampliación do Ifevi estará terminada a finais de marzo tras un...

A ampliación do Ifevi estará terminada a finais de marzo tras un investimento de 7,3 millóns de euros

A Xunta culpa á escaseza de subministracións, á vacinación no recinto e ao Concello dos atrasos nas obras.

PUBLICADO O

- Advertisement -

A ampliación do Instituto Feiral de Vigo (Ifevi) estará terminada a finais de marzo deste ano, despois de máis dun ano de obras e dun investimento de 7,3 millóns de euros. Así o sinalou o director da Axencia Galega de Infraestruturas, Francisco Menéndez, durante a Comisión sexta de Industria, Enerxía, Comercio e Turismo, levada a cabo este xoves no Parlamento de Galicia.

A pregunta da deputada socialista María Leticia Gallego, quen criticou o atraso da ampliación do Ifevi, Menéndez indicou que a pesar de que nun primeiro momento esperábase que o novo pavillón do Ifevi estivese dispoñible para a celebración da Feira Internacional de Produtos do Mar (Conxemar) en outubro de 2021, isto non puido ser así por varios motivos.

Segundo as súas declaracións, recollidas por Europa Press, a tardanza do Concello en pór a disposición da Xunta os terreos necesarios motivou un descoñecemento das características dos mesmos, que contaban con materiais de “moi mala calidade”, que non eran “aproveitables”. Isto fixo necesario un aumento das escavacións e das retiradas de terra.

Ademais, a utilización das instalacións para a vacinación contra a Covid-19 aumentou o tránsito de persoas na zona, con atascos nas estradas que atrasou a retirada dos devanditos materiais. Doutra banda, a escaseza de subministracións a nivel mundial tamén motivou a dificultade de realizar a obra en tempo e forma.

Con todo, Gallego lamentou que se critique ao Concello e en concreto ao alcalde, Abel Caballero, polo atraso das obras, xa que foi unha das persoas que solicitou dita ampliación e destacou a importancia de Conxemar para a economía Vigo e Galicia.

A isto, Menéndez explicou que o concello podería chegar a un acordo cos veciños para conseguir os terreos, sen ter que chegar a unha expropiación, o cal atrasou a obra. Tamén aproveitou para criticar a necesidade dunha mellora nos accesos ao recinto feiral desde a AP-9, “que Caballero pedía con insistencia ao Goberno de Mariano Rajoy, pero que agora xa hai anos que non pide”.

ÚLTIMAS

Vigo sen Bombeiros manifestarase este sábado para volver reclamar máis efectivos tras a morte de Sergio S.D.: “Xa se pagou un prezo moi caro”

A plataforma Vigo sen Bombeiros convocou unha manifestación para este sábado, ás 19.00 horas na Praza...

A Xunta critica ao Concello de Vigo por non poñer buses lanzadeira a Lavacolla

O conselleiro de Presidencia, Xustiza e Deportes, Diego Calvo, destacou este mércores a "resposta...

Entradas para o Galicia-Panamá se doas sangue

A Axencia de Doazón de Órganos e Sangue (ADOS) e a Real Federación Galega de Fútbol volverán desenvolver...

Adxudicado pola vía de emerxencia o servizo de transporte sanitario urxente da área a Emerxencias Sanitarias-Saluser

A Xunta, a través da Fundación Pública Urxencias Sanitarias de Galicia-061, adxudicou o servizo de transporte sanitario...