A Policía Nacional tivo que intervir este sábado na contorna do Estadio de Balaídos, en Vigo, por un enfrontamento entre afeccionados do Celta de Vigo e o Rayo Vallecano que deixou varios feridos, aínda que polo momento ningún de gravidade.
Ocorreu na zona da Praza da Miñoca, na rúa Xosé Gil, sobre as 17.30 horas, cando faltaba apenas unha hora para que comezase o partido entre os dous equipos.
A falta de que a Policía actualice máis datos sobre estes altercados, polas redes sociais circulan vídeos nos que decenas de persoas se lanzan obxectos entre elas, provocan danos no mobiliario urbano e mesmo se golpean.
Os axentes instalaron na zona un dispositivo para identificar ás persoas implicadas na pelexa.
Testigos sinalan que os Bukaneros estaban xuntos na terraza dun bar cando chegaron os seareiros do Celta (Celta Vigo Hooligans e Tropas de Breogán) e emprendérona contra eles a patadas e usando o mobiliario da terrazas.
