InicioCulturaVialia clausurará a súa exposición sobre arte dixital cunha fin de semana...

Vialia clausurará a súa exposición sobre arte dixital cunha fin de semana de música e conferencias

O centro comercial acollerá a artistas, comisarios e profesionais da arte.

PUBLICADO O

- Advertisement -

O centro comercial Vialia-Estación de Vigo celebrará do 17 ao 20 de febreiro a súa ‘Semana de Arte Dixital’, como evento de clausura da exposición ‘Post-Dixital Landscapes’, con concertos, mesas redondas e conferencias, nas que participarán unha decena de artistas.

Esta iniciativa (que terá lugar en horario de tarde de xoves a sábado e pola mañá do domingo) está organizada por SMTH en colaboración co Festival de Arte Urbana de Madrid (MMMAD) e impulsada por Nhood para fomentar a cultura nos seus centros comerciais.

Ao longo desa ‘semana’, o centro comercial Vialia de Vigo converterase nun referente da arte dixital que acollerá a artistas, comisarios e profesionais da arte. Os asistentes poderán participar en ‘sesións de pensamento’ que levarán a cabo artistas e profesionais do sector como Marta Verde, MIL111.lab ou Alejandro Vázquez Tomé, entre outros.

Entre as cuestións que se abordarán atópanse a influencia da tecnoloxía na arte, a realidade virtual ou a realidade aumentada, a contorna artística en Galicia e os NFTs ou o metaverso, entre outros.

Ademais, os asistentes poderán gozar de sesións de DJ e VJ (Videojockey) nas que se combinará a música e arte dixital coas actuacións en directo de Yugen Kala (DJ) + Juanma Lodo (VJ), Akazzie (DJ) + Natalia Stuyk (VJ) e Dá Rocha ou Álvaro Chior (DJ+VJ), entre outros.

Por último, todos aqueles que o desexen poderán visitar a exposición colectiva de arte dixital ‘Post-dixital Landscapes’ ata o domingo 20 de febreiro e que conta coas obras de Alejandro Vázquez Tomei, Baum & Leahy, Lauren Moffatt, MIL111.lab e Thomas Brett expostas nos soportes dixitais do centro comercial.

ÚLTIMAS

Hosteleiro libanés de Vigo expulsa un grupo de turistas israelís por mal comportamento no seu restaurante

Un hosteleiro libanés que rexenta un restaurante en Vigo expulsou a un grupo de...

Vigo anuncia que inicia os trámites para unha ordenanza sobre vivendas de uso turístico

O alcalde de Vigo, Abel Caballero, anunciou que o Concello iniciou a tramitación dunha...

OPINIÓN.- Unha cidade para quen a fixo grande

O Partido Popular de Vigo vén de propoñer que a antiga estación de autobuses...

Stellantis fai a última porposta para pagar a prima variable cun novo marco regulador

A dirección de Stellantis Vigo trasladou este xoves a sindicatos a súa última proposta...