Os casos nas residencias de maiores en Galicia disparáronse na última semana, como así tamén se multiplicaron no cómputo xeral de toda Galicia. Deste xeito, son 412 os positivos contabilizados desde a última semana recollidos no parte da Consellería de Política Social, case tres veces máis que hai unha semana e 13 veces máis que xusto antes das festas do Nadal, o 22 de decembro.
Estes datos, ademais, prodúcense tras o macrogromo na Residencia Bembrive de Vigo, na que se contabilizan 105 usuarios contaxiados dos 150 residentes, o que supón 15 positivos confirmados máis con respecto aos datos dispoñibles na xornada deste martes.
Ademais, entre os brotes máis grandes detectados, sitúanse os 36 casos na Residencia A miña Casa Ferrol; 25 usuarios contaxiados en Residencia Raiola O Hórreo, de Santiago; 25 en Residencia Virxe de Guadalupe, de Mos; e 24 en Residencia A miña Casa de Pazos de Borbén. En residencias de discapacidade hai 11 casos a activos de usuarios.
Please wait while you are redirected...or Click Here if you do not want to wait.
