InicioSociedadeRestrinxida a actividade en 14 centros de Primaria, cuxos médicos só atenderán...

Restrinxida a actividade en 14 centros de Primaria, cuxos médicos só atenderán urxencias e Covid ante a ameaza do colapso

Xustifican as medidas co "crecemento explosivo do número de contaxios de Covid".

PUBLICADO O

- Advertisement -

A evolución da pandemia de Covid e a incidencia disparada na área sanitaria de Vigo, que ameaza con colapsar a Atención Primaria, levou ao Sergas a restrinxir a actividade en varios centros de saúde, cuxos facultativos só atenderán urxencias e casos de Covid.

Así se recolle nunha instrución da Dirección de Atención Primaria, na que se xustifican as medidas ante o “crecemento explosivo do número de contaxios de Covid” e a previsión de que este se manteña, e para axudar aos profesionais dos centros de saúde a “soportar” a situación.

Por iso, confirmaron fontes sanitarias a Europa Press, adoptáronse unha serie de medidas ante o “déficit de persoal facultativo” que sofren varias unidades de Atención Primaria da área sanitaria de Vigo. Estas medidas, que conciernen só ao persoal médico, consisten en “descitar” toda a actividade programada que sexa demorable, bloquear todos os ocos dispoñibles nas axendas de citación, e “traballar unicamente a demanda, atendendo soamente a consulta urxente e a relacionada con Covid”.

No entanto, as mesmas fontes precisaron que ditas medidas (que están en vigor ata o 10 de xaneiro, momento en que se reevaluará a situación) non se aplicarán en todos os centros de saúde, senón naqueles que presentan un déficit de médicos do 50 % ou máis. De feito, sinalaron que algúns centros contan con só un terzo do persoal facultativo, e lembraron que esta situación se debe a que hai moitos profesionais de baixa, e outros de vacacións ou días libres.

A restrición de actividade afecta as unidades de Primaria do Rosal, A Guarda, Oia, Cangas (na quenda de tarde), Moaña (na quenda de tarde), Ponteareas, O Porriño, Tomiño, e os centros de Vigo de Navia, Nicolás Pena, Beiramar, Casco Vello, Matamá e Teis (na quenda de tarde).

SANIDADE

O conselleiro de Sanidade, Julio García Comesaña, descartou que o Sergas amplíe a toda a atención primaria as restricións da actividade activadas en 14 centros de saúde da área de Vigo.

“Isto vén derivado dun contexto do período vacacional do propio centro de saúde e onde, ademais, temos unha incapacidade temporal sobrevinda”, sinalou o coselleiro.

O titular de Sanidade dixo que “hai polo menos 20 centros de saúde en Vigo” nos que “esta medida non se tomou”. “Nos que se tomou foi naqueles nos que o número de facultativos está por baixo do 50%, mesmo nalgúns casos por baixo do 33%”, sinalou.

PSDEG

O PSdeG cualificou de “terrible e gravísima” a restrición de actividade ditada. O portavoz parlamentario do PSdeG, Gonzalo Caballero, lamentou a directriz interna do Sergas e advirte que supón “unha alerta do que pode ocorrer no futuro, noutros momentos e outros lugares de Galicia” por culpa “das políticas sanitarias lesivas do PP”.

ÚLTIMAS

40 axentes homenaxean a un compañeiro da Garda Civil que estivo un ano nun hospital tras un atropelo

Preto de 40 axentes da Garda Civil e numeroso persoal do Hospital Vithas...

Juan Carlos I chega de novo a Peinador para regatear en Saxenxo

Tal e como se esperaba, o rei emérito Juan Carlos I aterrou este mércores...

O PP critica que Caballero non explicase as súas “chapuzas e irregularidades” tras un ano do concerto de Guns N’Roses

O PP de Vigo lamentou que pasase xa un ano do concerto do grupo Guns N'Roses...

Arquivan a causa contra o chofer do autobús accidentado en Cerdedo-Cotobade onde faleceu un rapaz de Nigrán en 2022

O xulgado de instrución número 1 de Pontevedra ditou o sobresemento da causa contra...