A Consellería de Sanidade notificou na tarde deste domingo a morte de dous septuaxenarios, un home e unha muller, que estaban diagnosticados de covid-19.

En concreto, a muller tiña 70 anos e permanecía ingresada no Complexo Hospitalario de Pontevedra (CHOP), mentres que o home, de 72, estaba no Complexo Hospitalario Universitario de Vigo (Chuvi).

Con estas dúas novas vítimas, a listaxe de falecementos que deixa a pandemia do coronavirus en Galicia elévase a 2.720.