InicioSociedadeO Sergas di que "non existe unha derivación sistemática" de pacientes á...

O Sergas di que “non existe unha derivación sistemática” de pacientes á privada e presume de infraestruturas

O BNG reclama que "deixen de engordar ás empresas privadas" con concertos e se dediquen "a reforzar a sanidade pública".

PUBLICADO O

Servizo Galego de Saúde (Sergas) defende que “non existe derivación sistemática” de pacientes á sanidade privada na área de Vigo, que reduce a un “número limitado”. Así o manifestou o xerente do Sergas, José Flores, en resposta a unha pregunta do BNG na Comisión 5ª no Parlamento sobre a optimización dos recursos dos que dispón o Servizo Galego de Saúde na área sanitaria de Vigo.

Flores defendeu que os acordos marco “para dar resposta á demanda asistencial é lícita” e utilizada “amplamente no Sistema Nacional de Saúde”. Por iso, insistiu en que para “dar resposta en tempo e forma” existe a “posibilidade de concertar esta prestación, que é o que fai o Sergas”.

Sobre a área sanitaria de Vigo, o xerente do Sergas destacou que conta “coa mellor dotación de infraestruturas na comunidade autónoma“, á vez que resaltou a “óptima utilización dos recursos sanitarios públicos”. Neste sentido, asegurou que o Sergas realiza en Galicia “unha boa xestión coordinada das listas de espera”, que lembrou que existen en todas as comunidades.

Sobre a derivación de pacientes a centros privados, o xerente do Sergas matizou que “a poboación elixe se quere ou non ser atendida neste centro concertado”, comentou en relación a Povisa en Vigo.

A parlamentaria do BNG Monste Prado pediu que “deixen de engordar ás empresas privadas e se dediquen a reforzar a sanidade pública”. Segundo destacou, “Povisa finánciase nun 80 por cento polo diñeiro dese concurso” que ten co Sergas.

REGULARIZAR

Fronte a iso, o xerente do Sergas explicou que están co novo acordo marco en Vigo “regularizando con contratacións o que ata agora eran concertos”.

E tras destacar que co goberno bipartito na Xunta destinaban un 6% por cento dos fondos a concertos con Povisa, máis de 70 millóns, incidiu en que na actualidade sitúase “por baixo do 5%”.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...