A empresa concesionaria do bus urbano de Vigo, Vitrasa, emitiu este venres un comunicado no que apela ao diálogo cos representantes dos traballadores, ante unha folga (iniciada a pasada fin de semana) que “empeora a situación”, á vez que defendeu que está a formular “propostas reais e viables” ao persoal para mellorar as súas condicións, que xa son “as mellores” entre as empresas do seu sector na provincia.

Vitrasa, que lamentou que os paros están a alterar o dereito dos cidadáns á mobilidade, sinalou que as súas últimas propostas foron enviadas aos sindicatos esta semana, sen obter resposta e criticou que o comité convocou os paros (que se converterán en folga indefinida de luns a venres a partir do 13 de decembro) “apoiándose nunha votación celebrada o pasado mes de xullo”, sen volver a consultar ao persoal desde entón. De feito, recalcou que case a metade do persoal solicitou votar de formar persoal e secreta e non se lles ha constestado.

Por outra banda, a concesionaria insistiu en que vive unha situación “moi complexa” derivada da perda de viaxeiros polas restricións da pandemia de Covid, e que os paros “só fan empeorar a situación”, polo que pediu ao comité que poña fin a esta “situación de conflitividade desproporcionada”.