InicioSucesosDetida por ameazar con coitelo e morder á súa parella nun brazo

Detida por ameazar con coitelo e morder á súa parella nun brazo

Outro veciño da cidade foi detido por agredir aos axentes que lle pediron que se puxese a máscara.

PUBLICADO O

Axentes da Policía Local de Vigo detiveron a unha veciña da cidade, E.P.S., de 43 anos de idade e natural de Brasil, como presunta autora dun delito de violencia no ámbito familiar, tras agredir á súa parella durante unha discusión.

Segundo informaron fontes policiais, os feitos ocorreron na madrugada do domingo, cando unha dotación do 092 acudiu a un domicilio da rúa Torrecedeira, alertada por veciños que escoitaron unha forte discusión de parella.

Cando os axentes chegaron, abriulles a porta da vivenda unha muller que asegurou que non pasara nada e que a súa parella non estaba no domicilio. Os policías tamén lle preguntaron se tiña algún tipo de lesión e necesitaba asistencia médica, pero a muller dixo que non, “mostrándose en todo momento pouco colaboradora”.

Ao abandonar a vivenda, os policías atopáronse no portal do edificio a un home que tiña a camisa desgarrada, erosións na cara e unha dentada con hemorraxia no antebrazo dereito, polo que solicitaron unha ambulancia. O ferido foi evacuado á PAC de Pizarro para ser atendido das súas lesións.

O home recoñeceu aos axentes que tivera unha discusión coa muller identificada momentos antes e que ela lle agredera e ameazara cun coitelo. O home suxeitouna e ela propinoulle unha dentada no brazo, despois do cal, o home abandonou a vivenda.

Tras escoitar o relato, os axentes regresaron á vivenda onde ocorreran os feitos e procederon á detención da muller, como presunta autora dun delito de violencia no ámbito familiar.

DETIDO POR AGREDIR A UN AXENTE

Por outra banda, a Policía Local tamén informou da detención dun home, D.F.A., de 38 anos de idade, como presunto autor dun delito de atentado, tras agredir a varios axentes.

Os feitos ocorreron na madrugada do domingo, cando unha dotación policial acudiu a un local da rúa Sanjurjo Badía (aberto fóra do horario permitido) pola presenza de varios individuos no exterior do establecemento, causando molestias aos veciños.

Os axentes identificaron a un home que non levaba a máscara posta e, cando lle requiriron para que lla puxese, este negouse e respondeu de forma airada.

O home propinou un empuxón a un dos policías e logo abalanzouse sobre outro que lle suxeitaba para evitar outra agresión, caendo ambos os ao chan. Finalmente, o individuo foi reducido e detido por atentado contra axente da autoridade.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...