InicioSociedadeA UVigo inicia un curso "eminentemente presencial" e o seu reitor pide...

A UVigo inicia un curso “eminentemente presencial” e o seu reitor pide seguir sendo “moi coidadosos”

A non presencialidade, segundo indica Manuel Reigosa, reservarase a situacións puntuais derivadas de brotes ou restricións sanitarias.

PUBLICADO O

- Advertisement -

A Universidade de Vigo iniciou este luns un novo curso académico, que será “eminentemente presencial”, seguindo un sistema de “normalidade adaptada” que foi aprobado en Consello de Goberno o pasado mes de xullo. Así, segundo sinalou o reitor, Manuel Reigosa, este curso, aínda en plena pandemia de Covid, vai ser “bastante máis normal que o anterior” xa que, excepto un par de titulacións cunhas características moi específicas (que seguirán un sistema mixto), o resto de titulacións terán un grao de presencialidade que se achegará ao cento por cento.

Deste xeito, a non presencialidade reservarase para situacións puntuais ou casos localizados de curta duración, derivados de restricións locais ou por brotes nalgunha das dependencias universitarias.

En todo caso, Manuel Reigosa pediu seguir sendo “moi coidadosos” para evitar eses brotes, e lembrou que se manterán as medidas de seguridade sanitaria, a pesar de que o proceso de vacinación achega “máis tranquilidade”.

MEDIDAS DE SEGURIDADE

A ese respecto, o reitor apuntou que a UVigo estará atenta ás indicacións das autoridades sanitarias, e establece ocupacións do 50 % nas aulas con bancadas, e separación de 1,2 metros entre mesas nas aulas con mobiliario non fixo.

Na mesma liña, explicou, manterase a realización de probas PCR en saliva mediante o sistema ‘pooling’, os códigos QR nas aulas, ou os procedementos de seguimento en caso dalgún contaxio.

MATRICULACIÓN E NOVOS TÍTULOS

Por outra banda, afirmou que, a falta de pecharse os datos definitivos, superarase novamente o 100 % das prazas ofertadas, é dicir, entraron en primeiro curso máis estudantes que prazas dispoñibles.

No curso académico 2021-2022 a UVigo estreará tres novas titulacións: Filoloxía Aplicada Galega e Española (coas especialidades en galego e español e 50 prazas); o máster en Sistemas Aéreos non Tripulados (xunto coa USC); e o prograda de doutoramento e Matemáticas e Aplicacións (xunto coa USC, a UDC, e as universidades portuguesas de Porto, Tras-Móntesvos- e Alto Douro e Minho).

ÚLTIMAS

Cinco feridos nun accidente en Mos

Cinco persoas resultaron feridas na mañá deste sábado ao chocar frontalmente dous vehículos no...

Vigo rexeita o recurso de Ryanair e mantén a sanción por reducir voos

O Concello de Vigo confirmou o rexeitamento do recurso de reposición presentado pola aeroliña Ryanair contra a sanción imposta pola...

Caballero impulsa accións legais pola exclusión de Vigo como sede do Mundial 2030

O Concello de Vigo iniciou os trámites para estudar unha posible reclamación xurídica fronte...

195 millóns: o custe do novo contrato entre SERGAS e Povisa

O Servizo Galego de Saúde (Sergas) e o Hospital Ribera Povisa de Vigo finalmente...