InicioSociedadeA Fiscalía rebaixa a 44 anos de cárcere a petición para o...

A Fiscalía rebaixa a 44 anos de cárcere a petición para o cura salesiano acusado de abusar de cinco menores

Retirou a acusación respecto dun do seis afectados e defende que o relato destes mozos é "crible" e "plausible" e que ""os tocamentos, por moi fugaces que sexan, son abusos sexuais".

PUBLICADO O

A Sección Cuarta da Audiencia Provincial de Pontevedra deixou este luns visto para sentenza o xuízo contra Segundo C.V., o sacerdote salesiano para o que a Fiscalía rebaixou a petición de condena a 44 anos de cárcere por abusar sexualmente de cinco menores.

O acusado é sacerdote da Igrexa católica e exercía en 2019 de profesor de Relixión no Colegio Salesiano María Auxiliadora de Vigo, ademais de dirixir un campamento xuvenil organizado polo centro educativo en Cambados entre o 15 e o 23 de xullo dese ano.

A sesión deste luns, a cuarta neste xuízo, dedicouse á lectura dos informes finais. O Ministerio Público retirou a acusación respecto dun dos seis menores afectados, ao entender que no seu caso a vítima “notou que o tocaban, pero non abriu os ollos”, de modo que non hai probas de que o responsable fose este acusado. Ademais, a diferenza doutros dous episodios, aquí non hai testemuñas visuais. A acusación si mantén que as vítimas foron seis mozos.

Non foi esta a única modificación da Fiscalía no seu escrito de conclusións, pois tamén retirou a consideración “continuado” no caso do delito de abuso sexual que se lle imputa sobre unha das vítimas.

Estes cambios propiciaron unha rebaixa na petición de condena da Fiscalía que inicialmente pedía 67 anos e medio pero nas súas conclusións deixa en 44 anos de prisión, Concretamente pide 5 anos de cárcere por sete dos delitos de abusos sexuais a menor de 16 anos e solicita outros catro anos e medio por outros dous delitos.

Tamén solicita que prohiba a Segundo C.V. aproximarse a menos de 250 metros das súas vítimas ou comunicarse con eles por calquera medio por este mesmo espazo de tempo e que, unha vez que saia de prisión, impóñase a medida de liberdade vixiada. Ademais, pide que quede inhabilitado para o exercicio do ensino de menores e de calquera profesión ou oficio, sexa ou non retribuído, que leve contacto regular e directo con menores durante 10 anos.

CREDIBILIDADE

O fiscal outorga credibilidade ao relato das novas vítimas de abusos e tamén ás testemuñas que declararon presenciar eses episodios, ocorridos en distintos meses do ano 2019, en abril durante unha peregrinación a Santiago de Compostela, en xuño durante unha saída para ver o partido da final da Champions League e en xullo durante un campamento xuvenil organizado polo centro educativo en Cambados.

O fiscal reitera que o relato dos mozos é “crible” e “plausible” e lembra que “os tocamentos, por moi fugaces que sexan, son abusos sexuais”. Destacou, ademais, que as vítimas presentan “trauma compatible con episodios de natureza sexual”.

Os avogados da defensa do sacerdote pediron a súa libre absolución e rexeitan que o relato dos mozos sexa crible. O acusado rexeitou facer uso do seu dereito á última palabra.

ÚLTIMAS

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...

Outro accidente múltiple no túnel da Madroa causa retencións na AP-9 en Vigo

Un accidente múltiple rexistrado á primeira hora deste xoves na AP-9 causou importantes retencións no...