InicioSociedadeA UVigo lidera un proxecto europeo que usa robots para reducir accidentes...

A UVigo lidera un proxecto europeo que usa robots para reducir accidentes en tramos de estradas

Os robots dedicaranse ao mantemento de tramos con obras e resolverán os problemas de asfaltado, reparación e mellora.

PUBLICADO O

- Advertisement -

A Universidade de Vigo lidera o proxecto internacional ‘Infra-Rob‘, a partir do que busca utilizar solucións robotizadas autónomas para o mantemento da integridade, rendemento e seguridade das infraestruturas viarias, e con iso, reducir a sinistralidade existente en tramos con obras, tanto de traballadores como de condutores.

Segundo informou a institución viguesa, o consorcio liderado polo grupo GeoTech da UVigo está conformado por 18 socios -empresas, centros tecnolóxicos e consultoras- de oito países, en concreto España, Portugal, Italia, Bélxica, Alemaña, Austria, Suíza e Dinamarca.

O proxecto, que se enmarca na convocatoria H2020 da Comisión Europea, arrincará en setembro deste ano cunha duración de 42 meses e un orzamento de cinco millóns de euros, dos que 860.000 euros irán parar á Universidade de Vigo.

Co obxectivo de resolver os problemas co asfaltado, reparación e mellora das estradas, os investigadores deseñarán unha serie de solucións robotizadas que “permitirán minimizar e mesmo, nalgúns casos, eliminar a intervención das persoas traballadoras nos labores máis pesados e de maior risco”.

A maiores, os socios do proxecto desenvolverán “solucións tecnolóxicas baseadas en robots” cuxo obxectivo será “reducir o risco de accidentes dos vehículos que circulan” por estradas en obras. Así, conectaranse drones a robots en terra para monitorar tanto aos operarios como aos vehículos e xerar sinais de alarma ante posibles accidentes.

ÚLTIMAS

O buque vigués ‘Robin M. Lee’, ao rescate dos tripulantes do palangreiro en perigo nas Malvinas

Os 27 tripulantes do palangreiro 'Argos Georgia', que nas últimas horas solicitaba axuda a 170 millas...

Unha carpa situada nas inmediacións do centro comercial A Laxe acolle unha experiencia de realidade virtual para concienciar sobre a ciberseguridade

O Instituto Nacional de Ciberseguridade (Incibe) organiza esta semana en Vigo a exposición '#ExperienciaIncibe' de realidade...

Encontran o cadáver dun home dentro dun piso de Vigo despois da alerta dos veciños polo mal cheiro

Os servizos de emerxencia acharon o cadáver dun home nun piso de Vigo despois...

Case 1.300 empresas galegas logran algún dos 10 indicadores Ardán

Un total de 1.289 empresas galegas lograron algún dos 10 indicadores Ardán, co almacenista...