Ata tres modelos ensamblados nas fábricas automobilísticas situadas en España situáronse entre os vehículos máis vendidos na Unión Europea durante o mes de outubro, segundo datos de Jato Dynamics recollidos por Europa Press.
Un destes é o Peugeot 2008, fabricado en Vigo, que se sitúa como o oitavo modelo máis vendido en Europa, tras entregar 17.420 unidades en outubro, por detrás do Toyota Yaris, que foi o sétimo coche máis matriculado, con 17.671 unidades. Pechan o ‘top 10’ o Skoda Octavia (17.216 unidades) e o Citroën C3 (16.298 unidades).
Entre outros datos, Jato Dynamics destacou que un 27% dos automóbiles vendidos en Europa en outubro tiña unha mecánica eletrificada, 17 puntos porcentuais máis que no mesmo mes de 2019 Pola súa banda, os coches de gasolina representaron o 44% do total, baixando 13 puntos, e os de diésel, un 26% das vendas, diminuíndo cinco puntos. O Volkswagen IDE.3 situouse como o modelo ‘cero emisións’ máis ‘popular’ en Europa, con 10.475 unidades.
