InicioMovementos SociaisO libro e proxecto solidario Elefantes de papel despídese con festivais en...

O libro e proxecto solidario Elefantes de papel despídese con festivais en Vigo e na Guarda

PUBLICADO O

- Advertisement -

O libro solidario Elefantes de papel remata a súa andaina a través de dous peches de
proxecto que terán lugar o xoves, 28 de xuño ás 20.00h. no centro cultural da Guarda e
o venres, 29 ás 19.30h. no salón de actos da ONCE en Vigo.

En ambos os dous, os autores desta travesía, María Salinas e Berto Pirata, anuncian un
festival cheo de sorpresas con actuacións musicais, obras de teatro, lectura de relatos, proxeccións e moitas anécdotas, e onde, por fin, revelarán o destino dos cartos
recadados nunha aventura que comezou alá por xaneiro e que lles levou a facer 52
presentacións sempre da man da Asociación sen ánimo de lucro Conrazones da Guarda.

Firma de libros/ Elefantes de papel

Con estas despedidas, queren tamén agradecer a todos eses rostros anónimos a súa
participación desinteresada, a implicación e o cariño recibido. Comezan, ao mesmo tempo, unha campaña de recollida de gafas e móbiles que funcionen e que poderán ser entregados os mesmos día nos devanditos lugares.

O XERME DO PROXECTO

Elefantes de papel naceu da inquedanza de dous autores noveis por botar unha man.
Autopublicaron un libro de relatos curtos que empregaron como ferramenta, sobre todo,
para dar visibilidade a pequenas asociacións, colectivos ou ONG´s que fan que a
sociedade funcione mellor.

Abriron unha páxina de Facebook –Elefantes de papel– para darse a coñecer, falaron coa
ONCE para que pasase o libro a Braille, e visitaron centros da terceira idade ou de saúde
mental, implicando aos seus usuarios na dramatización dalgúns dos relatos do libro.

Pasaron por colexios ou institutos, onde organizaron charlas e debates sobre temas sociais, viaxaron ata Madrid e presentaron a obra en diversas institucións, sempre cun discurso de ánimo e compromiso e coa intención de que estas lecturas foran accesibles á maior cantidade de xente.

Agora o proxecto morre, e con el a posibilidade de adquirir o libro, pero anuncian o
inicio doutra aventura da que saberemos máis nas anunciadas despedidas.

 

ÚLTIMAS

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...

Rede de Mulleres manifestarase o 25N en Vigo: “Estamos a sufrir un retroceso que non podemos permitir”

A Rede de Mulleres Veciñais contra os Malos Tratos de Vigo mobilizarase o vindeiro...

Stellantis Vigo inicia a produción en serie da nova versión das súas furgonetas compactas

Stellantis Vigo comezou a produción en serie da nova versión Smart Compact Van dos...