InicioPolíticaO BNG pide no Congreso a apertura dos pasos fronteirizos das Eurocidades...

O BNG pide no Congreso a apertura dos pasos fronteirizos das Eurocidades do Miño

Os alcaldes das Eurocidades ibéricas elaboraron un manifesto conxunto no que piden a apertura destes pasos para que non se penalice a mobilidade á hora de acudir ao posto de traballo.

PUBLICADO O

- Advertisement -

O deputado do BNG no Congreso, Néstor Rego, pediu ao Goberno a apertura inmediata dos pasos fronteirizos das Eurocidades do Miño, unha cuestión que tamén reclaman os alcaldes da zona para permitir a circulación de traballadores que deben desprazarse ao seu posto de traballo no Estado veciño.

O BNG rexistrou unha iniciativa na Cámara baixa na que tamén pide un estudo dos danos económicos, a inxección de fondos suficientes e a activación de políticas de apoio á zona transfronteiriza. E é que, segundo manifestou Néstor Rego, durante todo o estado de alarma está a sufrir un “dobre impacto económico, tanto polo peche de fronteiras como pola COVID-19”.

O parlamentario do BNG destaca que a cooperación transfronteiriza a ambos os dous lados da fronteira é unha das “máis consolidadas” e “con máis tradición” en España e en Europa. “O territorio transfronteirizo do Miño é a área máis dinámica economicamente da Unión, tanto por estar no medio do eixo Vigo-O Porto como por compartir relacións comerciais, industriais, culturais e loxísticas”, sinala.

Neste sentido, indica que a fronteira de 70 quilómetros con Portugal en Pontevedra é a que asume o 49% de todos os tránsitos entre os dous Estados. A pesar diso, o deputado censura que cando se decretou o peche de fronteiras para conter o coronavirus non se tivo en conta o funcionamento e a xestión compartida das Eurocidades.

MANIFESTO DOS ALCALDES

Precisamente, tras un encontro telemático mantido o luns, alcaldes das Eurocidades ibéricas elaboraron un manifesto conxunto no que piden a apertura destes pasos para que non se penalice a mobilidade á hora de acudir ao posto de traballo.

No texto esixen ás autoridades competentes que se pondere a posibilidade de facilitar o paso de residentes entre municipios transfronteirizos, nos mesmos termos xurídicos e de control de saúde pública que teñen no outro Estado.

Así mesmo, piden vías de financiamento á Unión Europea e aos estados, ben a través do Interreg España-Portugal ou mediante a constitución de ITIs (Investimentos Territoriais Integradas) transfronteirizas para paliar o impacto económico producido pola crise.

Respecto diso, o director da Agrupación Europea deCooperación Transfronteiriza, Eurocidade Chaves-Verin, Pablo Rivera, destacou que o encontro deste luns supón a primeira vez que todos os alcaldes dos sete se reúnen nun mesmo foro” cuestión que, na súa opinión, reforza o papel das Eurocidades como “divulgadoras dos problemas que afectan á cooperación de proximidade na Península Ibérica”.

En concreto, estiveron representadas as sete Eurociudades Ibéricas: Eurociudad Cerveira-Tomiño, Eurociudad Tui-Valencia, Eurociudad Salvaterra Monçao, Eurociudad Chaves-Verin, AECT, Eurociudad Elvas-Badaxoz, Eurociudad Cidade Rodrigo-Fontes de Oñoro-Almeida-Vilar Formoso e Eurociudad del Guadiana, AECT (Vila Real Sto.Antonio-Castro Marim-Ayamonte), a través dos presidentes dos municipios a ambos lados da raia.

ÚLTIMAS

O buque vigués ‘Robin M. Lee’, ao rescate dos tripulantes do palangreiro en perigo nas Malvinas

Os 27 tripulantes do palangreiro 'Argos Georgia', que nas últimas horas solicitaba axuda a 170 millas...

Unha carpa situada nas inmediacións do centro comercial A Laxe acolle unha experiencia de realidade virtual para concienciar sobre a ciberseguridade

O Instituto Nacional de Ciberseguridade (Incibe) organiza esta semana en Vigo a exposición '#ExperienciaIncibe' de realidade...

Encontran o cadáver dun home dentro dun piso de Vigo despois da alerta dos veciños polo mal cheiro

Os servizos de emerxencia acharon o cadáver dun home nun piso de Vigo despois...

Case 1.300 empresas galegas logran algún dos 10 indicadores Ardán

Un total de 1.289 empresas galegas lograron algún dos 10 indicadores Ardán, co almacenista...