O presidente da Federación Española de Municipios e Provincias (FEMP) ha constadado o “apoio” do presidente do Goberno en funcións, Pedro Sánchez, ás “posicións” e “necesidades” das Administracións locais ao incluír a esta entidade na súa rolda de consultas para formar Goberno.

No marco dunha rolda de prensa celebrada este mércores en Vigo, o tamén rexedor olívico resaltou a “importancia” do feito de que o encontro coa FEMP sexa un dos que Sánchez manterá coas “máximas institucións do Estado”, aínda que non detallou que temas lle trasladará ao candidato socialista á Moncloa.

Nese sentido, Abel Caballero lembrou que a entidade municipalista que preside aspira a alcanzar unha “igualdade de condicións“ en relación ás demais institucións e puxo en valor que Sánchez contactase coa Presidencia da FEMP, situándoa, deste xeito, ao mesmo “nivel” que os Executivos das comunidades autónomas.

Así mesmo, lembrou que Sánchez foi o primeiro candidato á Presidencia do Goberno que incluíu á federación de municipios e provincias na súa rolda de consultas, o que tivo lugar tras as eleccións xerais de 2018.