“Xerencia, dimisión”, “Feijóo, escoita, os PACs (Puntos de Atención Continuada, é dicir, o servizo de urxencias extrahospitalarias) están en loita”, ou “coa saúde non se xoga” foron algúns do lemas que se escoitaron durante unha nova manifestación en defensa da sanidade pública, celebrada este xoves desde as oito da tarde polas rúas viguesas.

Miles de persoas, de Vigo, Cangas, Mondariz e outros concellos da contorna, tiveron de novo no centro da súa diana a Félix Ruibal, xerente da EOXI, e Núñez Feijóo, presidente da Xunta.

Os conflitos estalan un tras outro na área sanitaria do sur da provincia: o Cunqueiro, as bolsas da roupa sucia, os PAC, os xefes de servizo… Acumúlanse os problemas e faltan solucións.