“Fóra machistas das institucións”, “Rebelión, desobediencia, contra a súa violencia”, “Contra o patriarcado, feminismo organizado”, “Se é machista non é xustiza, “Ningunha agresión sen resposta”. Foron algúns dos lemas que se escoitaron este venres 4 de xaneiro en Vigo ás portas do museo Marco de arte contemporáneo.

Foi unha concentración organizada polo grupo ‘Feminismo Unitario Vigo’ para protestar ás oito da tarde contra a decisión xudicial de manter en liberade provisional aos membros da ‘Manada’, ese grupo de amigos denunciados por varias agresións sexuais, a máis famosa delas a acontecida en Pamplona en 2016.

De feito, as concentracións en repulsa das decisións dos xuíces estar a ser constantes na evolución deste lento proceso, e sucedéronse de novo en toda España. O asunto, que xera moita indignación cidadá e abriu intensos debates xurídicos e sociais, está moi lonxe de cerrarse.