InicioMedio Ambiente e PatrimonioVídeo: Un "Papá Noel" que denuncia a insuficiencia de prazas do albergue...

Vídeo: Un “Papá Noel” que denuncia a insuficiencia de prazas do albergue municipal de Vigo

Este 'Santa Claus' alternativo acusa ao Concello de 'cambiar o discurso' con respecto á xente que durme na rúa.

PUBLICADO O

Esta fin de semana, Juan Carollo e a Acampada contra a pobreza prepararon fronte ao Concello de Vigo unha escena reivindicativa, ao chegar o Nadal tras 22 meses acampados na Praza do Rei. Así, Carollo deitouse na praza rodeado dalgúns alimentos e xoguetes, que foron requisados.

Carollo acusa ao Concello de ‘cambiar o discurso’: “Antes Font, Isaura e el (o alcalde) dicían sempre que non quedaba ningúen fóra no albergue, ou que quedaban dúas prazas libres. Este é o rexistro desta noite. Quedáronse 4 persoas fóra”, alegaba o 21 de decembro.

“A día de hoxe máis de 1.400 usuarios quedaron fóra desde o 21 de febreiro deste ano (pode contar varias veces cada persoa)”, denuncia Juan.

“Aquí teñen unha foto dunha desas noites. Cambiou o seu discurso porque ao día seguinte de dicir en televisión que collen todos no albergue gravamos ao garda de seguridade e como el botounos con toda educación e cumprindo as normas, a nós e varias persoas que quedaron fóra, por non haber sitio”, asegura.

“Estos son os almentos que dan a unha persoa para comer durante un mes nunha das asociacións, que non temos nada contra elas, pero para saber o que hai. Unha caixa de barriñas conxeladas de Pescanova, unha botella de aceite, un bote de garvanzos, un de melocotón, un de arroz, un de pasta, tres latitas de bonito, unha lata de tomate, tres caixas de leite e un pollo lle deron, para pasar un mes”, enumera: “A ver se unha persoa come con isto nun mes”.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...