Axentes da Policía Local de Vigo trasladáronse este luns 17 de decembro pola mañá á Praia dos Olmos, á carón de Samil, onde ao parecer e segundo a chamada efectuada por un cidadán á Central, observara un golfiño morto, que estaba varado na area.

Chegados os Axentes da sección UMIR, sección especializada neste tipo de servizos, comprobaron que efectivamente na devandita praia e varado na area se atopaba un exemplar femia de golfiño común, de aproximadamente 1:80 metros.

Solicitouse a presenza de especialistas de CEMMA (Coordinadora Para o Estudo dos Mamíferos Mariños), que compareceron no lugar e tomaron mostras para determinar a posible causa da morte do cetáceo. Seguidamente púxose en marcha o protocolo para a retirada do animal; retirada que se materializou na mañá do día de onte martes.