O alcalde de Vigo foi a estrela no programa deste martes de ‘Ya es mediodía’ (T5), espazo adicado á actualidade informativa. Caballero defendeu a súa gran inversión deste Nadal, os famosos 9 millóns de bombillas.
Referiuse o rexedor vigués á ‘deuda cero’ do Concello, de como ‘desfrutar e ser feliz é una parte importante da vida’, da política social levada a cabo na cidade e do retorno da inversión como principais argumentos, e asegurou que el non fai campaña electoral, porque ‘non o necesita’ para seguir subindo na intención de voto e porque ‘a campaña se fai traballando durante os 4 anos’, rematou.
“Non é posible calcular aínda o retorno, pero o recadado esta fin de semana xa multiplicou por 3 a inversión nas luces“, asegurou, falando de ‘rendibilidade extraordinaria’. En todo caso, valorou que un millón de euros é ‘pouco diñeiro’ para o que son unas festas que durarán mes e medio.
Fixéronlle oposición os xornalistas, preguntándolle sobre as persoas que non poden pagar a factura da luz, ao que contestou Caballero que desde o Concello xa pagan 700 delas, así como que “temos un albergue para que ningúen durma na rúa”.
Ademais, reflexionou que, grazas ao ‘100%’ de ocupación hosteleira que segundo a súa tese están a provocar as luces, é posible crear emprego e precisamente axudar ás familias a facer fronte ás súas facturas e débedas.
Por último, valorou a Pedro Sánchez no que respecta ao penúltimo episodio de conflito en Cataluña, defendendo que tentou ‘detensar a situación’; e mandou un recadiño a Feijóo, que lle vai gañar nas eleccións 21 a 4. Na páxina de Telecinco está disponible o programa completo.
