Na mañá deste venres, unha dotación da Policía Local de Vigo observou a un individuo que saía do centro Comercial A Laxe en actitude sospeitosa. Ao identificarlle e proceder ao rexistro da mochila que portaba, localizaron unha carcasa de seguridade sen abrir, contendo unha caixa de teléfono móbil envolto en papel de aluminio.
Seguidamente procederon a entrevistarse co vixiante do establecemento Media Markt, comprobando polas cámaras do establecemento que o substraíra.
Ademais, a través das bases de datos puideron pescudar que sobre esta persoa nada en Compostela en 1992 e domiciliada en Vigo figuraba unha orde de procura e captura con data de entrada en vigor o 26/11/2018 por un Xulgado de Santiago de Compostela, sendo o motivo da reclamación un roubo con forza nas cousas. Polos feitos expostos procedeuse á detención de J. S. L.
