O BNG reivindicouse este luns como “única alternativa en positivo” en Vigo, fronte ao “desgoberno” de Abel Caballero e a un PP “descabezado”, e fíxoo cando se cumpre un ano do actual mandato municipal no Concello olívico.

O portavoz municipal do grupo nacionalista, Xabier Pérez Iglesias, sinalou nun comunicado que o seu grupo formulou 334 iniciativas “recollendo as demandas e necesidades veciñais”. “Comprometémonos/Comprometémosnos a ser moito máis que tres asentos no Pleno, dixemos que iamos ser a voz dos veciños a quen o goberno municipal non quere escoitar”, proclamou.

Así, sinalou que os concelleiros do BNG traballan “con entusiasmo e rigor” e “a pé de rúa”, cunha constante interlocución co tecido asociativo.

Por contra, destacou que o PSOE está “en retroceso, encastillado no autoritarismo e sen máis proxecto para a cidade que a súa continuidade no poder, mentres que o PP está “descabezado” e “sen máis proposta que defender o abandono que impoñen desde a Xunta en contra de Vigo”.

Pérez Iglesias puxo en valor o labor de fiscalización do BNG, expondo unha proposta con cada denuncia e crítica, fronte ao “ruído permanente” e ao “leo partidista” entre PSOE e PP, entre Concello e Xunta.

Entre as propostas expostas polo grupo nacionalista, lembrou o Plan Cidade con 50 millóns de euros para “pór fin ao abandono de barrios e parroquias”, a demanda de máis dotación para política social, a proposta de mellora do transporte urbano, ou a mobilización de remanentes para diversas actuacións.

Pérez Iglesias lamentou que a resposta do goberno local foi “continuar no monólogo xordo e autoritario que converte a súa maioría absoluta nun muro que nin escoita nin responde” e manter a “opacidade democráctica” ao negar o acceso a documentación como a do patrocinio errado do concerto de Guns N’ roses, ou a do expediente de reequilibrio económico da concesionaria de bus urbano.