Tres detidos pola Policía Local por supostos delitos de violencia de xénero son o triste cómputo desta fin de semana. Así, e en primeiro lugar, este sábado a Policía Local de Vigo detivo a A.A. S, un home de 75 anos de idade, nacido en Arbo e domiciliado en Vigo ás 19:00 horas.

Os axentes foran comisionados para que se dirixisen a un domicilio na parroquia de Matamá, posto que o requirente, fillo da vítima, manifestara que os seus pais estaban a pelexarse.

Unha vez no lugar, os policías entrevistáronse coa muller agredida, quen referiu que pouco antes tras unha discusión co seu marido este empurrouna, ameazándoa de morte, e que a continuación lle causou unha lesión no brazo dereito coa porta do conxelador, cando a pechou de forma violenta no momento que ela tiña o brazo no interior.

Comunica tamén que non é a primeira vez que foi agredida, que sofre malos tratos físicos e psicolóxicos desde fai corenta anos e que nunca o denunciou. Así mesmo indicou que nunha ocasión fracturoulle o nariz arrastrándoa polo chan á vez que a insultaba. Pouco despois presentouse no lugar unha ambulancia, sendo traslada a vítima ao Hospital de Povisa, sendo detido devandito home.

O mesmo día procedeuse tamén á detención de MA.A.E, un home de 43 anos de idade, nacido en Pontevedra e domiciliado en Vigo, por outro presunto delito de violencia de xénero. Os feitos ocorreron sobre as 22:30 horas nun piso da Avenida de Castelao.

A Policía Local recibiu a chamada dunha muller denunciando que fora agredida pola súa exparella. Unha patrulla entrevistouse con ela, a cal manifestou que pouco antes, cando regresaba ao seu domicilio co seu fillo de tres anos de idade, ao entrar no garaxe do seu inmoble, á altura do ascensor, atopouse co seu exparella, pai do neno, e que comezaron a discutir.

Asegura que nun momento dado el agarrouna fortemente do seu beizo inferior para a continuación darlle unha forte puñada no lado esquerdo do rostro, á altura da cella, podendo comprobar os actuantes como a vítima presentaba un hematoma e un inchazón no lugar referido. Comunicou ademais a muller que finalmente el colleu ao fillo de ambos e abandonou apresuradamente o lugar.

A vítima referiu ser agredida en anteriores ocasións e que no mes de abril do presente ano propináralle un cabezazo no rostro causándolle unha fractura no nariz, tendo que ser asistida nun centro hospitalario.

Os Axentes comezaron a realizar xestións para dar co paradoiro de MA.A.E, sendo localizado e detido ao día seguinte, o domingo día 21 na Avenida da Florida. O neno fora entregado polo agresor o día dos feitos aos pais deste, e estes á súa vez devolvéronllo á súa nai, a presunta vítima, ese mesmo día.

Por último, o domingo 21 a mesma Policía Local procedeu á detención de E.V. L, un home de 44 anos de idade, nado e domiciliado en Vigo, por outro presunto delito de violencia de xénero.

Ás 18:42 horas recibiran a chamada dunha muller para informar que unha veciña estaba a ser agredida pola súa parella nun barrio da zona de Cabral. Unha patrulla entrevistouse coa requirente, quen manifestou que un veciño do lugar agarrou polo pescozo e golpeou á súa parella e que esta tras zafarse do seu agresor fuxo nunha motocicleta.

Os actuantes localizaron pouco despois e nun lugar próximo á muller supostamente agredida, a cal se atopaba chorando sobre unha motocicleta da marca Yamaha, presentando esta danos na roda traseira.

A muller de 37 anos de idade comunicou aos axentes que estaba casada con E.V. L desde hai 10 anos, co que ten dous fillos, e que tras unha discusión e no momento no que ela ía coller a motocicleta para irse a traballar, el agarrouna do pescozo golpeándoa á vez que a ameazaba de morte, polo que tras conseguir zafarse, subiuse ao vehículo, pero el conseguiu esnaquizar a roda traseira cun coitelo. Os axentes, tras escoitar esta testemuña, desprazáronse ao domicilio da parella, procedendo á súa detención.