A compañía Welgood puxo en marcha un servizo de aluguer de bicicletas eléctricas en Vigo, que están xa dispoñibles en sete aparcadoiros da cidade olívica. Tal como anunciou o alcalde, Abel Caballero, haberá 10 bicicletas en cada un destes parkings, onde se inclúe o de Avenida de Castelao, o de Jenaro de la Fuente, o de Policarpo Sanz, o de Areal, o de Pintor Colmeiro, o de Urzaiz e o de Praza da Independencia.

O rexedor explicou que os vehículos se poden devolver en calquera aparcadoiro e poden reservarse previamente. Esta iniciativa está financiada a través dos fondos europeos.

Todo iso despois de que a semana pasada o goberno local autorizase a instalación de estacións de recarga de vehículos eléctricos e de bicicletas nos aparcadoiros subterráneos.