InicioSociedadeA UVigo participa nun proxecto para desenvolver sensores que melloren a identificación...

A UVigo participa nun proxecto para desenvolver sensores que melloren a identificación de tumores

O Centro de Investigación en Tecnoloxías de Telecomunicación atlanTTic é un dos 13 socios que participan na iniciativa europea 'retina'.

PUBLICADO O

- Advertisement -

O Centro de Investigación en Tecnoloxías de Telecomunicación da Universidade de Vigo, atlanTTic, participa no proxecto europeo Retina, que ten como obxectivo desenvolver dous sensores baseados en tecnoloxías fotónicas para mellorar diferentes procesos no ámbito da saúde, a automoción ou a agricultura.

En concreto, estes sensores permitirán, por exemplo, mellorar a identificación das células tumorais e a monitorización da perfusión sanguínea en cirurxías, no ámbito da saúde; ademais de desenvolver sistemas avanzados de detección de colisións de vehículos, en automoción, ou pór en marcha plataformas terrestres e montadas en drones para viticultura de precisión.

A UVigo é un dos 13 socios de sete países que participan nesta iniciativa, que arrincou o pasado mes de decembro e que durará catro anos, cun orzamento de 6,2 millóns de euros. Está coordinada polo centro tecnolóxico AIMEN. Segundo recolle o Diario da Universidade de Vigo (DUVI), a idea é desenvolver un concepto novo de tecnoloxía LiDAR (detección e localización por luz) baseado en PIC (microcontrolador) altamente escalable; desenvolver xeradores de imaxes espectrais instantáneas para sistemas sensoriais rendibles e de alta resolución; establecer técnicas de software innovadoras e servizos para o despregamento dunha plataforma de detección baseada en aplicacións fiables e precisas, e apoiar o liderado tecnolóxico do ecosistema fotónico da Unión Europea impulsando o crecemento en industrias estratéxicas.

Respecto diso, o investigador de atalnTTic e líder do proxecto na UVigo, Francisco Díaz, destacou que Retina pretende xerar dous tipos diferentes de sensores fotónicos que sexan capaces de transmitir e procesar a información de forma máis rápida. “LiDAR é unha tecnoloxía que utiliza luz para detectar as dimensións de obxectos en 3D. Ao aplicar a fotónica aos sistemas LiDAR podemos reducir o tamaño do sistema LiDAR para que colla nun só chip”, reivindicou.

ÚLTIMAS

Concello e deputación acordan reformar a bancada de Gol en Balaídos

A Xunta de Goberno do Concello de Vigo deu este luns luz verde ao...

Tres detidos en Portugal e máis 1.000 quilos de cocaína intervidos nos portos de Sines e Vigo

Unha investigación posta en marcha pola Polícia Judiciária de Portugal e que contou coa cooperación da...

Detectado e eliminado un punto de vertedura de augas residuais en Redondela

Os técnicos do Programa de Control de Verteduras, dependente de Augas de Galicia, detectaron un...

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...