InicioPolíticaMarea de Vigo culpa ao Concello de "soterrar millóns de euros" no...

Marea de Vigo culpa ao Concello de “soterrar millóns de euros” no seu contrato con Ryanair

PUBLICADO O

O grupo municipal da Marea de Vigo mantén unha postura crítica coa política de subvencións e contratos coas aeroliñas, e vén precisamente de “facer fincapé na necesidade dunha organización entre as cidades galegas con aeroporto para garantir a optimización do uso aeroportuario de Galicia, uso que na actualidade só está xerando competencia entre os diferentes aeroportos”.

Marea de Vigo defende que antes de investir nas compañías aéreas desde a institución municipal, por ser este un “gasto impropio da administración local”, se debe levar a cabo esta coordinación entre as tres cidades na que se analicen todos os datos obxectivos sobre os usos, retornos económicos, ou mesmo as posibilidades de consolidacións dos voos.

Aeroporto de Peinador
Peinador viaxeiros na pasarela de entrada o avion/Miguel Nuñez

“A pesar deste investimento, segundo os datos oficiais de AENA, a maioría da pasaxe que viaxa desde Peinador non é nin da provincia de Pontevedra. Aínda así, isto tampouco é o motivo polo que o goberno de Abel Caballero xustifica o contrato con Ryanair, senón que o fai baixo o argumento da ‘promoción da cidade de Vigo’, xa que é a que lle permite a lei por non ser competencia municipal a política aeroportuaria” , destacan.

Marea de Vigo cuestiona a postura do PSOE vigués, por considerala “pouco coherente” con respecto a outras actuacións: “Estase discutindo sobre a ‘condición de vigués ou viguesa’ para usar un aparcadoiro dun hospital que ademais é dunha área que abrangue máis que o municipio de Vigo, mentres o mesmo goberno local está soterrando millóns de euros nunha empresa privada para que calquera persoa, con independencia da súa procedencia, se ‘beneficie’ duns supostos prezos máis asumibles á hora de adquirir un voo desde Peinador” matiza Xosé L. Jácome, concelleiro do grupo municipal da Marea de Vigo.

ÚLTIMAS

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...

Outro accidente múltiple no túnel da Madroa causa retencións na AP-9 en Vigo

Un accidente múltiple rexistrado á primeira hora deste xoves na AP-9 causou importantes retencións no...